دليل الدفع عند الاستلام للمتاجر الإلكترونية في مصر
الدفع عند الاستلام طريقة دفع منتشرة جداً في مصر، بس هي كمان أكبر مصدر لمشاكل التاجر: كاش متأخر، أوردرات بترجع، ومخاطرة إن البضاعة أو الفلوس تضيع. الدليل ده بيشرح إزاي تقلل المخاطر دي.
1. أكد الأوردر قبل ما يطلع
مكالمة أو رسالة تأكيد قبل الشحن بتقلل الأوردرات اللي بترجع. اتأكد من العنوان والمبلغ ووقت تواجد العميل.
2. اعرف فلوسك فين في كل لحظة
اسأل شركة الشحن: الكاش بيفضل مع مين؟ بيوصلني إمتى؟ وإيه اللي بيحصل لو المندوب اتأخر في التوريد؟ لازم الإجابة تكون واضحة ومكتوبة.
3. خلي البضاعة متغطية
أكبر خطر في الدفع عند الاستلام إن البضاعة تطلع ومحدش ضامنها. في Runners قيمة الأوردر بتتحجز من محفظة المندوب قبل الاستلام، فالأوردر متغطي لحد ما يتسلم.
4. احسب تكلفة المرتجع من الأول
المرتجعات جزء طبيعي من الشغل. اعرف تكلفتها قبل ما تبدأ، وحطها في حساب سعر المنتج.
5. اسحب فلوسك بانتظام
ماتسيبش رصيدك يتراكم. حدد يوم ثابت تسحب فيه وتراجع الأوردرات اللي اتحصلت.